香港人在北京︱蔡潔大晒白滑玉背搶鏡　Jacky成上位花旦被指與李佳芯撞樣【多圖】

TVB台慶劇《香港人在北京》熱播當中，蔡潔（Jacky）演的蘇菲在昨晚（10月24日）相當搶鏡，身穿大露背晚裝之餘，更借醉向港仁（陳展鵬飾）獻吻，看得令人感肉緊！

【香港人在北京】陳展鵬出盡奇招毁「褲」滅跡　吳若希殺上門向蔡潔宣示主權

蔡潔與視帝演床上戲

劇情講到蘇菲（蔡潔飾）陪同港仁（陳展鵬飾）到珠海傾生意，後來蘇菲飲醉酒獲港仁送回酒店，對港仁餘情未了的蘇菲借着酒意告白：「點解你當年要失約，如果你有嚟到嘅話，我哋世界就唔同晒」。

蘇菲說罷情不自禁吻向港仁，而身為愛妻號的港仁最終把持得住，用手指放在嘴前拒絕蘇菲獻吻！

講到該場床上獻吻戲，Jacky坦言沒有尷尬：「大家都係專業演員，嗰場主要係講個氣氛，大家都係盡力去演出嗰場戲嘅氛圍，展鵬厲害之處係唔會令你緊張，我哋喺輕鬆嘅氛圍下完成拍攝。」

▼點擊圖片放大

+5

+4

蔡潔曾有所擔心

Jacky坦言獲悉與展鵬合作時，曾經擔心招架不住：「因為我嘅角色要lead住佢嚟行，我喺度諗佢氣場咁勁，我得唔得㗎？而展鵬喺劇中對住我同吳若希都係處於下風，但佢carry得好好，演到港仁嘅可愛同天真面，一出場就會catch到大家嘅眼球，但又唔會太鋒芒畢露，我終於領教到視帝嘅功力。」

▲ 蔡潔、陳展鵬（影片截圖）

蔡潔愛上練背肌

至於身穿大露背晚裝示人，Jacky笑言：「我都覺得個造型好靚，其實嗰件晚裝上半身只係得一塊布，但出嚟效果好靚！」

談到美白和健美心得，她分享道：「我以前好鍾意飲牛奶，可能同飲得多牛奶有關係！同埋我幾喜歡練背肌，但唔係練大隻嗰種，練背肌除咗可以保護脊椎令到女士線條更凸出，仲可以令到塊面更firm。」

▼點擊圖片放大

+5

+4

住千萬豪宅

來港發展近10年的Jacky，她曾在訪問中直認戶口曾經剩餘數十元，現時則進駐千萬豪宅，成為圈中小富婆。

早前，Jacky與好友在其家為愛貓「豬仔」慶生，同時令豪宅內景曝光！從Jacky分享的相片中所見，其家中設計簡約，並設有大露台、落地玻璃，景觀相當開揚，而Jacky與豬仔過往不時在家中拍照留念，充滿溫馨感呢！

▼點擊圖片放大

+8

+7

墨爾本華姐「七料冠軍」

而不時被指與TVB花旦李佳芯（Ali）「撞樣」的Jacky，同樣屬氣質美女，更是選美冠軍級人馬。

在2012年，她赴墨爾本修讀碩士期間，參選當地華姐破紀錄摘下七料冠軍，但於翌年代表澳洲來港競逐選國際中華小姐鎩羽而歸甚至三甲不入。

Jacky走過人生的高低起跌，曾是墨爾本華姐「七料冠軍」，又經歷戶口剩餘數十元，近年她成功在影視界展現光芒，在劇集《法證先鋒V》、《一舞傾城》、《香港人在北京》內也有亮眼表現，成為上位花旦，並有份參演《法證先鋒6》，令人期待！

最新影片推介：姜濤+李嘉文專訪

精彩獎賞活動等您發掘：https://bit.ly/3ClEy1R